Letra de ' E Ka Pa Noz (feat. SOS MUCCI) ' de BigZ Patronato

Poku fokadu, putu kétu, munti kontagia-m ku medu (ié)
Sen prende obi korason, nton, mi N kai na konbérsu
Frajilizadu, kada vós é un bala
Nunka es pensa kantu sonhu es mata
Kada grasa kantu mal ta kauza
Mau é kes ki vida sa na pauza
N sta raspira frakasu
Sufokadu sen spasu li déntu
N tene gritus na garganta
Tudu kel ki N kre é konta kel ki N ten li déntu (ié)
Raprizenta gétu (ié)
Ma barera sta li déntu (ié)
Ki ta dispreza-m é nha gétu (mê)

N fitxa odju, N guarda tudu pamó es fla m'é ka pa nos nau
Medu konta mundu sonhu p'es ka pensa ma N sa dodu
Ma N ka guenta, N ka di féru, nton, lágua baza-m
N kai na txon ma riba duedju N pidi Deus pa djuda-m
P'e da-m nha forsa pa N kontinua kada ves k'es nega-m
P'e libra-m di odju maus ki ta kre durba-m

N txora, N grita, N pidi ajuda ma ningen ka obi-m
N pega nha dór mi N poi na létra ma simé es ka xinti-m
Nha mai dja fla-m: Nha fidju, forsa, ka bu para tenta
Kes ki sénpri ta kritika é kes memu lenbra
Kantu mi N staba na gétu ta pasa fómi déntu kasa
Ka parse ningen k'é pa djuda nen ku un poku nen nada
Oji, pamodi es fama, munti niqqas dja da-m kósta
Odju na odju, N manti real, N odja niqqas sai pa kósta
N odja surizu na ses róstu enkuantu láguas na di-meu
N para, N pensa, N odja pa tras si N kai é ken ki sta pega-m?
É más fásil di bu julga, difisil é pa-u ser réu
Tudu kel k'u faze oji ta rifleti na manhan
Sonhus armazenadu, speransas ta bai na béntu
Bu ten ki tra-l pa fóra pa-u ka kai na skesimentu
Lenbra ma antis di bu vense, u ten ki sufri
Lenbra ma ten mumentus ki un ás ta ser vensedu pa duki

N fitxa odju, N guarda tudu pamó es fla m'é ka pa nos nau
Medu konta mundu sonhu p'es ka pensa ma N sa dodu
Ma N ka guenta, N ka di féru, nton, lágua baza-m
N kai na txon ma riba duedju N pidi Deus pa djuda-m
P'e da-m nha forsa pa N kontinua kada ves k'es nega-m
P'e libra-m di odju maus ki ta kre durba-m

N faze skudu ku nha fé (fé)
N poi nha forsa na nha pé (ié)
Si N ka aji mó mi é, nton, nha genti, mi é kuzé? (Ié ié)
Txeu óras nu ta frusta, vontadi para luta
N ta spéra kuza muda
Kutuka-m ta fla-m pa N foka
Na planus ki N ka sbosa
Es kre muda-m a forsa
A deriva es kre pa N korda, po-m duvida
Ma si taléntu ka sa txiga, N ta trabadja ti ki sonhus ganha vida

Ié, asves tudu ki nu meste é apoia prósimu
Akredita na prósimu
Diamanti ta ben di lama
Strélas ta ben di kaza, ié
SOS, ham, manu Big, ié
É nois, ié

N fitxa odju, N guarda tudu pamó es fla m'é ka pa nos nau
Medu konta mundu sonhu p'es ka pensa ma N sa dodu
Ma N ka guenta, N ka di féru, nton, lágua baza-m
N kai na txon ma riba duedju N pidi Deus pa djuda-m
P'e da-m nha forsa pa N kontinua kada ves k'es nega-m
P'e libra-m di odju maus ki ta kre durba-m