Letra de 'Kritik längt nid' de Brandhärd

Kritik längt nid

Junge wetz dini Zunge, öffne Auge und Sägelohre.
Lueg umme oder hesch dr Bezug zur Realität verlore?
Us Opfer sin Täter worde, sie legitimiere's do dermit,
dass sie früehner uf die glyych Art behandlet worde sind.
Doch dass sie falsche Fährte folge kunnt euch nid in Sinn
und drum isch euer Votum e quasi käuflichi Stimm.
Wil Kritiklosigkeit - bedüttet zuestimme,
was dene do obe vermittled ihr würdet `se guet finde.
So könne die in Rueh ihr'ne diverse Gschäftli noochrenne
wil vo uns niemer wogt sie ärnschthaft in Froog z'stelle.
Oder kas syy, ych mein: interessiert's euch eigentlich nid,
dass' euch einerlei isch, wär in Bärn euri Meinig vertritt?
Mich würds scho wundernäh, was abgoht in Bundesbärn,
mit wäm ych unde wär und was ych könnt unternäh.
Wenn ych an dr Urne wähl, heisst das ych ka mitbestimme
und zeig dene dr Mittelfinger wo meine sie würde kei Gwicht me bringe.

Wach uff - und zeig uns was im Kopf hesch.
Du meinsch du hesch kei Wille, ych weiss dass en doch hesch.
Ach kumm - mir bruuche ein wo mitdänkt
und weiss, dass Kritik bi wyttem nid längt.

Du kriegsch täglich so einiges mit, wo dir uf dir Sack goht
und bisch sälber nid einig mit dir, wo dä Fruscht ablohsch.
Fühlsch dich machtlos und missverstande, möchtisch eigentlich mitverhandle,
doch unter dine Faschos machsch dr drüber nid Gedanke.
Du verstecksch dich hinter and're, fühlsch dich plötzlich integriert.
Ihr halted zämme, trinked Bier, verschlönd irgend e linke Siech.
Di Vergangeheit losch hinter dir, das Kapitel isch abgschlosse
und so hesch du Schnapsdrossle scho oft dr Vogel abgschosse.
Zielsch uf Spatze wo uf em Dach hocke, losch dich vom Hass locke.
Dini Argumänt sind inhaltslos wie dr Sound us dine Bassboxe.
Alles nur Clichées, wo hesch dä Scheiss uffgschnappt?
Ych lieb die Vielfalt, au mi Vater isch us em Ussland
E Tip: schrib doch mol e Uffsatz mit em Thema „Menschebild"
frey vo Vorurteil und sag nid, du kennsch 'se nid.

Wach uff - und zeig uns was im Kopf hesch.
Du meinsch du hesch kei Wille, ych weiss dass en doch hesch.
Ach kumm - mir bruuche ein wo mitdänkt
und weiss, dass Kritik bi wyttem nid längt.

Ych kämpf mit Säbelrassle für die wo kahlrasierti Schädel hasse,
prägt vo Hass gäg die ach so bunt gfärbti Masse.
Was? Wär nimmt was wägg? Lyycht aggro?
Ihr verschlönd Ussländer uf Raschtplätz als Gaschtgschänk,
aber dasch jo für euch Alltag, euch gfallt das.
Wil Dummheit niemols vor niemerem halt macht.
Es isch scho e Gwaltstat: z'fünft uf öpper yyschlo.
Chapeau, was bi euch abgoht hett ächt viel Niveau!
Ihr bruuched numme e Minderheit und e kurze Fingerzeig
und scho gsehsch wieder ein renne, als müesst er dringend hei.
Ych piss euch gege dr Wind ans Bei, kei Rücksicht für Skinheads:
Ihr betryybed Inzescht, y find weder rächts no ultra-links fresh.
Eigentlich bin-y wie ihr: blind, bleich und blauäugig,
doch das isch metaphorisch gmeint, ych trau euch nid.

Wach uff - und zeig uns was im Kopf hesch.
Du meinsch du hesch kei Wille, ych weiss dass en doch hesch.
Ach kumm - mir bruuche ein wo mitdänkt
und weiss, dass Kritik bi wyttem nid längt.