Letra de ' Bayernpower ' de Konstantin Wecker

Mir san die Freistaatbuam,
und mir san mir.
Mir ham die Bayernpower
und de ned wia.

Mir ham an Hillermeier
und die Uschi Glas,
mir ham an Wecker
und die Gloria -
ja des is doch was.

Unser TV-Chef
paßt aufn Hildebrandt auf,
und auf die Schwarzen Sheriffs
paßt koaner auf.

Mir ham a saubers Bier
und die CSU.
Des ois ham mir,
und jetzt kimmst du.

Mir san aufrechte Männer,
und mir deama, was ma könna,
für die Sicherheit.

Mir stehn ständig unter Strom,
und den brauch ma vom Atom,
jederzeit.

Bei uns wird konsumiert
und scho gar ned demonstriert.
Kapiert?

Mir ham an UKW
und an Bayern 3,
mir ham a AKW
und an Ohu 2.

Mir ham an Kabelkanal,
an Rhein-Main-Donau-Kanal,
mir spritzn Wasser und Gas -
ja des is doch was.

Mir ham in Wackersdorf
a WAA,
an Stoiber und an Tandler,
an Franz Joseph ham ma a.

Mir ham a MBB
und an MTU,
die baun unsre Waffen -
und was baust du?

Mir san aufrechte Männer,
und mir deama, was ma könna,
für die Sicherheit.

Mir stehn ständig unter Strom,
und den brauch ma vom Atom,
jederzeit.

Wem des ned paßt, der soll si schleicha.
Gell, des merkts euch, Österreicher!

Bayern muaß sauber bleibn,
waschecht und bügelfein,
original.

Bayern, du hehrer Hort,
bleibe uns immerfort
christlich-sozial.