Letra de ' Mudjer ' de Romeu Di Lurdis

Aian, ami n nansi na nha txon n obi ta fladu ma
Mudjer di Kauberdi fidju bon dia kumó ki stadu
Mãi di sodadi ka sta sedu si kombersu, lata d'águ ka ta kai
Mudjer di Po Berdi la lugai kosta modjádu, midju mantega dóxi amizadi
Sakédu na sábi, mas tánbi na tersu panu marádu la ta bai
Mudjer di Kau Berdi é bunita sima kusa ki txuba ta txobe-l na rostu
É bunita ti ku pe na txon
É bunita prenha, é bunita prenhada
É bunita parida, ki fari a ke bisti bazofa pe ba misa 10:30
Mudjer di Kau Berdi é mansa sima pena galinha oras ke koredu mo
Mas tanbé é ramantxada ki nen malgeta berde a ke bulidu
Mudjer di ilha rostu na bentu
Iternidade ka txiga-m konta bu stória
Seu é pikinoti pa n skrebe bu nomi, ki fári ku bu apilidu djuntadu
Águ-l mar ta modja-bu ti riba txan di pé txaskan
Ka tem tenpurai pa rinka-bu di bu rais
Na kabesa transadu grodi tapadu maradu kubridu ku lensu xabilota
Na oredja brinku 7 txabi ta lolondji sima pé di banbanderu
Na pé di piskos kordon di sibitxi dja da un boita ke remedi mulestra
Na koxa sulada t'anda ta biki-biki ta da ku tornu ki nem um fransedja
Sertura dentu kordon di saia gaita-gaita raskuá di funaná
Mondon di tereru, kondon di rapasis
A tikaba go e ten surizu bunitu, e ta kusia sábi

Mudjer tem koroá, sorti más grandi di mundu (humm)
Grandeza di tud'omi (humm)
Rikeza di tud'omi (humm)
Nos biku sta la na mudjer
Mudjer é amor, txom prontu pa simia (humm)
Mudjer é tchuba e azágua (humm)
Sónbra ki sô nbra mundu interu (humm)
Mudjer é prumeru kasa d'omi
Mudjer é kanderu ki limia tudu kutelu (humm)
Pé di sinbron ku barnelu (humm)
Mudjer é moda sol (humm)
E ta da luz tikaba, e ta da bida (humm)
Ah mosinhus mudjer é moda mininu
Si bu ngoda-l e kre-bu txeu
Si bu kosa-l e meste-bu
Ma si bu spanta-l e ka ta kre-bu
Ah ah aaah, ah mudjer
Ah ah aaah, ah mudjer

Si omi é sábi, mudjer é dimas
Si omi é klaru, mudjer ta lumia
Si omi é sukri, ah mosinhus, mudjer é mel

Mudjer é doxi sima papaia di B'entrada
Fora berdi dentu fadjadu
Ami fartu inda ku sénsia

Si omi é sábi, mudjer é dimas
Si omi é klaru, mudjer ta lumia
Si omi é sukri, ah mosinhus, mudjer é mel

Mudjer é doxi sima mangi bidjagó
Riba la prindadu na altura ki madur ta kai dibés
Ta digigi nobu na mai ta rukutidu

Si omi é podogó, mudjer é kandiâ
Si omi é kaska, mudjer é bianda
Si omi é kaminhu, mudjer sta na distinu
Ah ah aaah, ah mudjer
Ah ah aaah, ah mudjer

Omi sen mudjer é sima karni sen mandjoka
Kaldu pexi sen batata
Papa sen leti
Sima xarén kru torna sen sal
Omi sen mudjer é sima bindi sen kuskus
Fixon sen tosinhu
Korpu sen aima
Kurason sen sangi
Omi detadu na petu mudjer
E ta dinderete sima mantega na bera lumi
E ta fika dentu raganhadu ti koketa moda mininu ki dadu dropis uoia
Mudjer é pintu nobu ki ka meste ferbi txeu
É karni mansu ka meste dura txeu
N ta nheme karne, n ta bebe kaldu
N ta txupa osu, n ta lenbe dedu ke pa n ka perde nun tenpra
Ah ah aaah, ah mudjer!
Ah ah aaah, ah mudjer!

Uohoi, mudjer é txentxa marinhenta ki da gostu na tudu mundu
A mosinhus, tanbi go nhos djuda-m
Purkazu mi n ka sabe mó ki n ta fla mas
Omi djuntadu, konbersu é mudjer (ia ia ia ia ian)
Aian, mudjer djuntadu tanbe konbersu ka otu razan

Si omi é sábi, mudjer é dimas
Si omi é txeu, mudjer ka ten midida
Tanbé si omi é kenti, mudjer ta toka lumi
Ah ah aaah, ah mudjer!
Ah ah aaah, ah mudjer!
Ah ah aaah, ah mudjer!
Ah ah aaah, ah mudjer!
Ah ah aaah, ah mudjer!
Ah ah aaah, ah mudjer!
Ah ah aaah, ah mudjer!