Letra de ' Amor Bandido ' de Ruben Teixeira

E fla-m ma
E fla-m amor ka ten
Ma u-ki ezisti é so korus pa ngana algen
Ma dexa-s, ma gósi es pode ben
Es ben ku koru ma gósi nen korason e ka ten

I e fla-m m'e dja e xâtia
M'e ka kre nvolve
M'e disepsiona, sénpri k'e envolve
Ma é so mintira, u-ki es ta konta
Ma gósi dja e sperta, m'e ka sa kridita más

I óras k'e ta sai na rua, e ta dexa kurason na kaza
Pa e ta vive nun mundu di lua, undi ómis ten gana viaja
E ka pamó bu odja-l di xortinhu
Ki bo dja bu ntende kualé
El e gosta pa bu da-l karinhu
Ku un poku di xokolati tanbe

E fla m'e akridita, m'e disepsiona
Ma tudu relason k'e tive faze-l txora
Ma gósi m'e kre fika sozinha sima el e sta
Midjór ki fika kunpanhada k'un algen

Ki ta fazel mal i ki ka bale péna
E ka pidi txeu, so un ki sabe ruspeta
El e ka kre kes ki ta promete mundu ma ki kre so brinka i gósi e ka sta mininu

Menina di korason partidu
Ka kre vive más amor bandidu
Gósi kurason sa doloridu, e ka kre más dór
E kre vive tudu ki e sunha
Talves dja txiga óra di akorda
Será ki ezisti algen ki t'ama i ta da-l valor?

Gósi e kre so studa, rizolve se vida
Ma nada ka sta fásil i el e ka te' ténpu p'e brinka
E kre ranja un trabadju p'e ba mora na se kaza
Mesmu sen ninhun mutivu ses pais ta kansa-l kabésa, e fla

Koru farapadu ka ta pasa
Pake bu sa brinka mó ta ama
Ta ben ku koru i ku bóka sábi so pa bu leba-l pa bu kama
Ma duspi korpu mê fásil
Ma el e kre kenha ki ta duspi se alma
E ka kre ser so un tasa p'un tolu ki ta pega-l pa ganha fama

Menina di korason partidu
Ka kre vive más amor bandidu
Gósi kurason sa doloridu, e ka kre más dór
E kre vive tudu ki e sunha
Talves dja txiga óra di akorda
Será ki ezisti algen ki t'ama i ta da-l valor?

Menina ka kre vive más
Gósi kurason dja sta partidu
E kre vive tudu k'e sunha
Talves dja txiga óra di akorda

Menina di korason partidu
Ka kre vive más amor bandidu
Gósi kurason sa doloridu, e ka kre más dór
E kre vive tudu ki e sunha
Talves dja txiga óra di akorda
Será ki ezisti algen ki t'ama i ta da-l valor?