Letra de ' Kuida Di Bo (part. Batchart) ' de Ruben Teixeira

Si forsa falta-u, N ta karega-u
Si mundu bota-u, N puluta-u
Si perna fadja-u, di-meu ta djuda-u
Da-u nha pasu nu anda tudu kau
Da-u nha brasu pa nu tora djuntu, pa nu roda mundu
Si nha kutélu ka txiga-u, N rabida tudu, ti ki txiga fundu
Libra tudu kuza pa agrada-u
Si surrizu falta, txapa ku meu
N ta djunta, N ta tapa, kata k'é pa da-u
Oru ku prata, preta, ka txiga-u
N 'a ta labuta, djuguta pa nunka nada ka kexa-u
Na luta ta djata, ta kata, pa skapa
Pa fronta di vida ka odja-u
Djunta fe ku trapu, muku fepu trata
So gana ki N ten di toma-u

Mudjer, ami N ta da-u nha mô pa senpri ki bu meste-m
Bu sabi ma nhas odjus ka sta pa mas ningen k'é ka bo
Da-m bu mô i vivi es sonhu
Dexa-m kuida di bo, ei
Dexa-m kuida di bo, dexa-m kuida di bo
Mi ka sta pidi txeu, nu vivi nos amor
Dexa-m kuida di bo, dexa-m kuida di bo

Nen mar, nen sol, nen luar
Ka perfetu sima bu olhar
Bu konkista-m ku kel bo jetu sinplis di ser
Dexa-m ser bu ómi, N ta prometi ma N ta faze-u ben
Ó, mina, dexa-m, dexa-m

Trá bo armudura, trá bo farda de gerrera
Deskansa arma, skansa luta, deskansa alma na nha bera
Ten frida ke ainda ka kura, ma baxa guarda, txí barrera
Manhan ten más luta na rua, nton, txá bos deféza rekupera
Rejenera de kansera
Bo é un fortaléza, N sabê ke bo manera
Ftxóde dente de deféza, dente de frontera
Sen sertéza, so ta pondera
Mede de ntrega, mede de ntera
I keí de kabésa dente de asnera
N kre bo trá bo farda de super gerrera
Txá-m kolá na bo, txá-m kolá na bo bera
Faze forte la fora, li dente é bobera

Mudjer, ami N ta da-u nha mô pa senpri ki bu meste-m
Bu sabi ma nhas odjus ka sta pa mas ningen k'é ka bo
Da-m bu mô i vivi es sonhu
Dexa-m kuida di bo, ei
Dexa-m kuida di bo, dexa-m kuida di bo
Mi ka sta pidi txeu, nu vivi nos amor
Dexa-m kuida di bo, dexa-m kuida di bo