Letra de ' Passajeru (Intro) ' de Trakinuz

Yo
Baxu di memu tétu tudu na ténpu, tudu na oráriu
Nada li é permanenti, tudu ki pasa li é tenporáriu
Nada ka ben pa fika, mundu ta jira, siklu ta fitxa
Pórta ta abri i un novu stória ta introduzi un novu diáriu
Tudu é movimentu, tudu é tranzitóriu
N ten ki apruveita stadia pamó nha partida el é obrigatóriu
Memórias ta viaja ku ténpu, nada ka ta manti memu atimosféra
Invérnu ten ki ta parti pa pode da spasu pa ten primavéra

Sonhus ta grita déntu nha petu ku gana brasa mundu
Enkuantu N ten strada na nha frenti, N ta kontinua piza fundu
Nha viaji é nun sintidu, nha bilheti é so di ida
Nton, kualker pasu oji pode ser nha dispidida

Nton, dexa-m vive un dia di kada bes
Dexa-m vive un dia di kada bes

Mô na volanti, pé na travon, sertéza na kada pasu
N ta sigi nha linha di movimentu i badja na nha konpasu
Pa kada paraji, un novu partida
Pa kada entrada, un dispidida
Sénpri N ta buska un novu róta sen sede a kansasu
Nton, dexa-m sigi na kordenadas ki nha korason ta dita
I suri ku inkantu di madrugada ki primavéra brota

Pamodi vida é brévi, anos é pasajeru
Oji nos é prizenti ma futuru é so mistériu
Pamodi vida é brévi, anos é so pasájen
Oji nos é prizenti ma futuru é so mirájen

Xa-m apruveita nha viájen pamó mi é pasajeru
Xa-m apruveita nha viájen pamó mi é pasajeru
Xa-m apruveita nha viájen pamó mi é pasajeru
Xa-m apruveita nha viájen pamó mi é pasajeru

Mi é pasajeru, mi é pasajeru
Mi é pasajeru, ami é un pasajeru
Mi é pasajeru, mi é pasajeru
Mi é pasajeru, ami é un pasajeru

N sabe di undi ki N ben, tanbe N sabe pundi N sa bai (ie)
N konxe óra ki N txiga, ma N ka konxe óra di bai (ná)
Nton, dexa-m apruveita nha intervalu, nton, dexa-m brinka
Disfruta di nha rekreiu enkuantu inda sinu ka toka
Dexa-m toka séu, N kre dansa ku béntu, dexa-m splora infinitu
N kre konta orizonti kel ki N ten déntu, nha vérsu nunka skritu
Nha puéma más bunitu, palavras nunka ditu
Xa-m txora ku txuba i fala ku osianu tudu nhas konflitu

Nton, xa-m pruveita na tudu momentu
Sima ki tudu instanti fosi últimu
Últimu olhar, ie, últimu vison
Últimu tóki, últimu beju, últimu paixon
Dexa-m inbala na inkantu di kada stason
Kada surrizu, kada abrasu, kada sensason
Sen pontu, sen pausa, sen interrogason
Sintí ma tudu ki ta parti ta dexa un lison

Pamodi vida é brévi, anos é pasajeru
Oji nos é prizenti ma futuru é so mistériu
Pamodi vida é brévi, anos é so pasájen
Oji nos é prizenti ma futuru é so mirájen

Xa-m apruveita nha viájen pamó mi é pasajeru
Xa-m apruveita nha viájen pamó mi é pasajeru
Xa-m apruveita nha viájen pamó mi é pasajeru
Xa-m apruveita nha viájen pamó mi é pasajeru

Mi é pasajeru, mi é pasajeru
Mi é pasajeru, ami é un pasajeru
Mi é pasajeru, mi é pasajeru
Mi é pasajeru, ami é un pasajeru

Nes vida nos é sinplis i iternamenti pasajeru
Divinu traze-nu baxu di perfeison di sagradu eru
Nu kria filozofia, astronomia
Nos konbérsus ka sinplis léru-léru
Dónus di kósmus i univérsus i multivérsus interu
Fidjus di sól ta brilha iternamenti, ka meste kanderu
Nos valor ka ta trokadu pa kotason di merkadu di dinheru