It fell aboot the Martinmas time
When the wind blew shrill and cauld
Cried Edom o' Gordon tae his men
"We maun draw tae some hauld"
"Whit hauld, whit hauld," cried his merry men
"Whit hauld sal we gang tae?"
"It's tae Towie's Hoose that we maun ride
And see yon fair lady"
She thocht it was her ain dear lord
That she saw ridin' hame
But was the traitor Edom o' Gordon
That rik nae sin nor shame
"Come doon, come doon, Lady Campbell," he cried
"And gie yer hoose tae me
Or else this nicht I swear I'll burn
Ye an' yer bairnies three"
"I winna come doon," the lady cried
"For laird nor yet for loon
Nor yet for any rank robber
That comes frae Auchendoon"
The lady frae the battlements
Twa bullets she let flee
But it missed its mark wi' Gordon
For it scarcely grazed his knee
"Lady Campbell," the Gordon cried
"That shot will cost you dear"
An' he has ca'ed tae his ain Jock
Tae bring the faggots near
"I winna come doon, ye fause Gordon
I winna gie up tae ye
I winna forsake ma ain dear lord
That is sae far frae me"
Then up and spak her youngest son
Sat on the nooris's knee
"Oh open the door and let me oot
For this reek is choking me"
"I wid gie up ma gowd," she cried
"Ma siller and ma fee
For a blast o' the whistling wind
Tae blaw this reek frae me"
Then oot an' spak her dochter dear
She wis baith jimp and sma'
"Oh row me in a pair o' sheets
And throw me ower the wa'"
They rowed her in a pair o' sheets
And threw her ower the wa'
But on the point o' the Gordon's sword
She got a deidly fa'
Then Gordon turned her ower and ower
And oh her face was white
Ah micht had spared that bonny face
Tae be some man's delight
Oh pity on yon fair castle
That was biggit wi' stane and lime
And wae for Lady Campbell herself
Burnt wi' her bairnies nine
Oh three o' them were mairried wives
And three o' them were bairns
And three o' them were leal maidens
That ne'er lay in young men's airms
1
Otras canciones de Malinky
Existen muchos motivos para querer conocer la letra de Edom O Gordon de Malinky .
Cuando nos gusta mucho una canción, como podría ser tu caso con Edom O Gordon de Malinky , deseamos poder cantarla conociendo bien la letra.
Saber lo que dice la letra de Edom O Gordon nos permite poner más sentimiento en la interpretación.
¿Estás peleando con tu pareja porque entendéis cosas diferentes cuando escucháis Edom O Gordon ? Tener a mano la letra de la canción de Edom O Gordon de Malinky puede zanjar muchas disputas, y esperamos que así sea.
Creemos que es importante advertir que Malinky , en los conciertos en directo, no siempre ha sido o será fiel a la letra de la canción Edom O Gordon … Así que es mejor centrarse en lo que dice la canción Edom O Gordon en el disco.
Apréndete las letras de las canciones que te gustan, como Edom O Gordon de Malinky , ya sea para cantarlas en la ducha, hacer tus covers, dedicarlas a alguien o ganar una apuesta.
Recuerda que cuando necesites saber la letra de una canción siempre puedes recurrir a nosotros, como ha ocurrido ahora con la letra de la canción Edom O Gordon de Malinky .