Letra de ' Puder ' de WJ

Yo
(N' ka misti puder) Pa kilis ku ka kunsin
Nha nome i nigga WJ aka Salam, rei di B. A
(N' ka misti puder) Bo tokan palmu

N' na dedika e muzika spesialmenti pa prizidenti di republika
(N' ka misti puder) Pa no chefi di stadu maior ku ten stadu na porta ben
Golpi di stadu ka ten, grasas a Deus (n' ka misti puder)
Pa bos tudu ku sta ligadu a puder
E militaris, e pulisias (n' ka misti puder)
Ministrus, sekretarius, kesas ku kesas
Bo obi es nigga
(N' ka misti puder)

Nha korson tene tchabi, pega bu iabri
Dia ke bu nganan tan, bu konsigui nganhan puder
N' odja badja matchus na kebra kudjer
Pabia di bo, omis na pirdi mindjer
Pabia di bo, santchus na manda na prasa
E disa no matchos na matu puder
Pabia di bo, omis siguidu tok panhadu dentru guarda-fatu
Pabia di bo, Paulo Correia Viriato pan ku kamaradas nteradus na matus
Puder, abo ku pui tok e panhadu, e turturadu, se udjus furadu
Su misti pa n' mistiu puder, tisin nha Nino, bu tisin nha Tagme
Su misti pa n' mistiu puder, tisin nha Ansumane, bu tisin Lamine
Tisin Helder, tisin Virissimo, tisin, Baciro, tisin Rachido
Tisin Liberato si kontra u ka ingratu, tisin Robaldo si kontra bu sagradu puder

N' pudi sedu koitadi garandi
Nha sol ka ta iardi (n' ka misti puder)
Mininus ku na bin bo sukutan
Bo obi nha konsidju (n' ka misti puder)
Pa nha sangui darma na nada
N' pirdi nha vida (n' ka misti puder)
Si kila ku na dan filisidadi
I tisin kasabi (n' ka misti puder)

No matiba ki tempu odja Nino ka pinikinu
Si povu sinti dur i el ki mesinhu
Pa serka Luis Cabral, i el ku djudanu
Ma otcha i matadu utrus kusas ke papiadu
No matiba kil tempu otcha Ansu ka falsu
I ta kompanhaba povu na tudu si pasu
Pa seka Nino, i el ku djudanu
Ma otcha i matadu utrus kusas ke papiadu
No matiba kil tempu otcha Cabral i ka kabrianu
Otcha i puru Guinensi i padidu na bafata
Pa toma indipendensia el i matchu ku lanta
Ma otcha i matadu utrus kusas ku papiadu
Puder ka ta pirdi sangui, puder ka ta dingui
Puder ka ta mandji, i ta mata
Bota na baleta i ta ama, mas si amor pateta suma burbuleta
Ora ku bu misti fika ku el, ki ora ki ta bua ke bu vida
Puder ka tene mandjua, puder
Ba pa merda puder, pabia di bo ka na pun pa n' kebra kudjer, puder

N' pudi sedu koitadi garandi
Nha sol ka ta iardi (n' ka misti puder)
Mininus ku na bin bo sukutan
Bo obi nha konsidju (n' ka misti puder)
Pa nha sangui darma na nada
N' pirdi nha vida (n' ka misti puder)
Si kila ku na dan filisidadi
I tisin kasabi (n' ka misti puder)

N' pudi sedu koitadi garandi
Nha sol ka ta iardi (n' ka misti puder)
Mininus ku na bin bo sukutan
Bo obi nha konsidju (n' ka misti puder)
Pa nha sangui darma na nada
N' pirdi nha vida (n' ka misti puder)
Si kila ku na dan filisidadi
I tisin kasabi (n' ka misti puder)

Yo, n' pensa bo ntindi ke ku n' misti fala bos ke e muzika
I sta muiti klaru
Abos tudu bo asisti guintis ke puder leba
N' ka sibi si el i femia o matchu
Ma n' sibi so kuma i misti omi, i misti mindjer
Bo toma kuidadu ku puder

Nigga WJ aka Salam